miðvikudagur, 23. nóvember 2016

Nýtt! Pizzasnúðar, baunaréttur og „hrá“ kaka



Ég fæ seint afreksverðlaun fyrir að deila uppskriftum það sem af er þessu ári, en síðan ég uppfærði þessa síðu síðast hef ég bætt þremur uppskriftum á Lönsj & Latte. Í gær voru það pizzasnúðar (gerlausir), í október baunapottréttur með karrí og kókosmjólk, sem er ein af mínum uppáhalds haust- og vetaruppskriftum, og í sumar dásamleg óbökuð kaka úr smiðju Any Phyo sem krakkarnir mínir elska mjúk valhnetusúkkulaðikaka með hindberjum.



Næsti sunnudagur er hinn fyrsti í aðventu og það sem ég hlakka til. Við erum alltaf með aðventubrönsj alla sunnudaga fram að jólum og fyrir þann fyrsta er heimilið hóflega skreytt: smá jólaskraut, hýasintur og fullt af kertum (jólatréð fer upp fyrstu eða aðra helgina í desember). Núna á sunnudaginn ber ég fram, meðal annars, sænskt fléttubrauð með kardamomu, en það er uppskrift sem ég setti saman í fyrra við miklar vinsældir. Hér eru jólalegar uppskriftir sem ég hef deilt á Lönsj & Latte:

indverskt te (chai latte)
kryddbrauð
marengstoppar (og súkkulaðisósa)
möndlugrautur (risalamande)
quinoa-búðingur með grískri jógúrt, berjum og ávöxtum
rabarbaramulningur með berjum
sænskt fléttubrauð með kardamomu

Og hér þær jólalegu sem eru enn hér á gamla blogginu:

rósakál m/kastaníuhnetum, beikoni og steinselju
súkkulaðibitakökur með möndlum og haframjöli
sætkartöflumús með pekanhnetum

Slökkvið nú á þessum blessuðu farsímum og njótið aðventunnar með bókum, spilum og kósíheitum!

mánudagur, 25. apríl 2016

ný uppskrift - linsubaunasúpa



Það var nú kominn tími á mig að deila uppskrift á Lönsj & Latte og að þessu sinni varð linsubaunasúpa fyrir valinu. Ég vildi deila henni núna frekar en að láta hana bíða fram á haust.

miðvikudagur, 20. janúar 2016

ný uppskrift - tómatsúpa með grænmeti og karrí



Nýjasta uppskriftin á Lönsj & Latte er tómatsúpa með grænmeti og karrí sem er dásamleg í kroppinn á köldum vetrardögum. Á okkar bæ gengur hún einmitt undir heitinu kalt-úti súpa. Þessi uppskrift er búin að vera lengi á CafeSigrun-vefsíðunni undir heitinu tómatsúpa Höddu og mörg ár síðan ég smakkaði hana fyrst. Ég gerði bara örlitlar breytingar.

miðvikudagur, 23. desember 2015

gleðilega hátíð | nýjar og uppfærðar uppskriftir



Mér þykir alltaf jafn vænt um að sjá hvað jólauppskriftirnar eru mikið skoðaðar hér á gamla blogginu í desember og það stendur auðvitað til að uppfæra þær allar einn daginn á Lönsj & Latte blogginu. Á sunnudaginn mátti ég til með að taka smá forskot á jólin og gera möndlugrautinn (risalamande), bara til þess að geta smellt af nýjum myndum. Nokkru áður hafði ég deilt þar nýrri uppskrift að sænsku fléttubrauði með kardamomu, sem er nýjasta jólahefðin okkar. Það var hér á borðum á sunnudögum í desember ásamt heitu súkkulaði, smákökum og fleira og er komið til að vera. Listinn yfir nýjar og uppfærðar uppskriftir á Lönsj & Latte lítur svona út í dag:

BAKSTUR | EFTIRRÉTTIR:

brauðbollur með sesamfræjum
indverskt te (chai latte)
klattar með grjónum
kryddbrauð
marengstoppar
möndlugrautur (risalamande)
perumöffins
quinoa-búðingur með grískri jógúrt, berjum og ávöxtum
rabarbaramulningur með berjum
súkkulaðisósa
sænskt fléttubrauð með kardamomu

MATUR | MEÐLÆTI:

kartöflubátar með kryddsalti
kjúklingaleggir, maríneraðir
pestó með basilíku
pizzasósa
svartbaunaborgarar


Að lokum vil ég óska ykkur öllum gleðilegrar hátíðar og farsældar á komandi ári og um leið þakka fyrir innlitin á bloggið/bloggin á liðnum árum,

Lísa Hjalt



laugardagur, 10. október 2015

ný uppskrift - rabarbaramulningur með berjum



Rabarbaramulningur með berjum er nýjasta uppskriftin á Lönsj & Latte blogginu en hana hafði ég ekki birt áður hér, bara á ensku útgáfunni.

Uppfærður listi yfir nýjar og uppfærðar uppskriftir lítur svona út í dag:

BAKSTUR | EFTIRRÉTTIR:

brauðbollur með sesamfræjum
indverskt te (chai latte)
klattar með grjónum
marengstoppar
perumöffins
quinoa-búðingur með grískri jógúrt, berjum og ávöxtum
rabarbaramulningur með berjum
súkkulaðisósa

MATUR | MEÐLÆTI:

kartöflubátar með kryddsalti
kjúklingaleggir, maríneraðir
pestó með basilíku
pizzasósa
svartbaunaborgarar


Með kveðju,
Lísa Hjalt

föstudagur, 25. september 2015

ný uppskrift - perumöffins



Uppskrift að perumöffins er sú nýjasta á Lönsj & Latte blogginu en hana hafði ég ekki birt áður hér. Listinn yfir nýjar og uppfærðar uppskriftir lítur því svona út í dag:

BAKSTUR | EFTIRRÉTTIR:

brauðbollur með sesamfræjum
indverskt te (chai latte)
klattar með grjónum
marengstoppar
perumöffins
quinoa-búðingur með grískri jógúrt, berjum og ávöxtum
súkkulaðisósa

MATUR | MEÐLÆTI:

kartöflubátar með kryddsalti
kjúklingaleggir, maríneraðir
pestó með basilíku
pizzasósa
svartbaunaborgarar


Með kveðju,
Lísa Hjalt

Pin It button on image hover